An kessedhek BGMS a wra hwithra yeghes ha devedhek yethow le-usys

• HWITHRANS NOWYDH: Yethow le-usys
• Kessedhek Bysyel, Gonisogeth, Media ha Sport (BGMS)

ESow a wra prederi a'n elvennow alhwedhek a dheterm mar sped yeth le-usys, an breusverkow a dal bos devnydhys rag determya studh sodhogel, ha mars eus taklow dhe dhyski dhyworth broyow erel may ma frethter efan yn moy ages unn yeth.

Ambosow Hwithrans

Yma an Kessedhek BGMS ow pysi dustuni skrifys ow tochya an govynnow a sew kyns an 10esa vis Meurth 2023.

• Pyth yw an elvennow alhwedhek a dheterm mar sped yeth le-usys genesik?
• Pandr'a yll bos dyskys dhyworth broyow a's teves pobel a hedh frethter efan, hag yn yeth vajoryta hag yn yeth enesik le-usys?
• Py breusverkow a dal bos devnydhys rag breusi mar tegoodh dhe yeth le-usys degemeres studh sodhogel?
• Pandr'a dal bos rann Governans an RU y'n skoodhyans ha'n displegyans a yethow genesik le-usys yn Pow Sows?

Dustuni skrifys a yll bos profys yn yeth le-usys mes res yw aga bos keveylyes gans treylyans yn Sowsnek.

An Gwir Wordhi Damian Green ES, Kaderyer Servadow an Kessedhek BGMS, a leveris:

"Tremenysi ow kul viaj dres an Enesow Bretennek nans yw nebes kansbledhynnyow a woslowi kuntel rych a yethow ha rannyethow dhyworth Norn y'n north pell bys yn Kernewek y'n soth west. A-dhia ena ni res eth ha bos moy ha moy unyethek, mes an yethow Lallansek, Godhalek albanek, Iwerdhonek, Kembrek, Ullansek ha Kernewek a bes avel tremynnow posek a wonisogeth ranndiryel, hag yma yethow erel kepar ha Kernewek ow previ argerdh a dhasserghyans. Agan hwithrans a wra hwithra fatel usi agan yethow le-usys ow farya, mar kyllons treusvewa yn bys yw gwarthevyes gans Sowsnek, ha py rann a dal bos dhe'n Governans y'ga gwithyans ha displegyans."

Further information

• About Parliament: Select committees
• Visiting Parliament: Watch committees

Image: Parliamentary copyright